Լևոն Մարտիոսյանը շնորհակալություն հայտնեց Միքայել Մինասյանին

Այսօր Ազգային ժողովում «Ընտրական օրենսգրքում փոփոխություններ և լրացումներ կատարելու մասին» օրենքի նախագիծի քննարկման ժամանակ ելույթ ունեցավ պատգամավոր Լևոն Մարտիրոսյանը, ով իր խոսքը սկսեց Հռոմի Պապի հայաստանյան այցին անդրադարձով:

Պատգամավորի կարծիքով`այցի նշանակությունը չափազանց մեծ է մեզ համար, և մենք կատարվածի մասին անցյալով չպետք է խոսենք, որովհետև այցի ազդեցությունը, դրա նշանակությունը պետք է դեռ գնահատենք, վերլուծենք: Նա նկատեց նաև, որ միջազգգային մամուլի անդրադրարձը դեռ շարունակվում է, ինչը վկայում է, որ մեր երկրի համար այցը չափազանց դրական և արդյունավետ էր:

«Կարծում եմ`պետք է մենք շնորհավորենք մեզ այս իրադարձության համար և շնորհակալություն հայտնենք բոլոր այն մեր պետական և հոգևոր այրերին, ովքեր դերակատարություն ունեցան այս ացի գործում. նախ և առաջ ՀՀ նախագահին, Վեհափառ Հայրապետին, Վատիկանում մեր դեսպանատանը` դեսպան Միքայել Մինասյանի գլխավորությամբ, իսկապես կարծում եմ`այստեղ չափազանց մեծ իրադարձության մասին ենք խոսում»,- ասաց Մարտիրոսյանը:

Պատգամավորը շնորհակալություն հայտնեց նաև Հռոմի ֆրանցիսկոս Պապին Հայաստան այցելելու որոշում կայացնելու և իր սկզբունքային դիրքորոշման համար այն բոլոր հարցերում, որոնք հայ ժողովրդի համար մեծ նշանակություն ունեն, մասնավորապես Հայոց ցեղասպանության ճանաչման և դատապարտման հարցում: