Շաքարավազի թանկացումների պատճառը մենաշնորհն է. Արմեն Պողոսյան
Տնտեսություն
«Թանկացումների և անվերահսկելի վարքագծի պատճառը հայտնի է շատ վաղուց. պատճառը մենաշնորհն է», - այս մասին Լուրեր.com-ի հետ զրույցում ասաց Սպառողների միության նախագահ Արմեն Պողոսյանը՝ անդրադառնալով շաքարավազի գնի բարձրացմանը: Վերջինիս խոսքերով՝ ներմուծման 99 տոկոսը մի ձեռնարկություն է վերահսկում, և դա է պատճառը թանկացման:
«ՀՀ-ում սկսվեց շաքարի արտադրություն. մենք ունենք այդ ավանդույթը շաքարի ճակընդեղ աճացնելու, որը հումք է շաքարի համար, բայց ռացիոնալ այդ գործընթացը կասեցվեց, և մեր շաքարն ավելի թանկ ստացվեց։ Մի խոսքով հիմա ո՛չ տեղականը կարողացանք կազմակերպել, ո՛չ էլ ներմուծվողն ենք կարողանում վերահսկել: Պատճառները դրանք են:
Մեր երկրում գոյություն ունի տնտեսական մրցակցության պետական հանձնաժողով և պետական բառը միայն այդ հանձնաժողովի մեջ կա, էլի ունենք հանձնաժողովներ, որոնք պետական չեն կոչվում: Ուզում եմ ասել, որ սրա ստատուսը և լիազորությունները շատ ավելի մեծ են և տնտեսական մրցակցության մասին օրենքում հստակ գրված է, որ այն ձեռնարկությունը, որը գրավում է շուկայի երեսուն տոկոսից ավելին, առանձնահատուկ ուշադրության տակ է հայտնվում: Մենաշնորհը չի արգելվում, բայց մենաշնորհը պետք է խիստ վերահսկողության տակ լինի: Այսինքն, պարզվի՝ ամեն ինչ արդյո՞ք հստակ է, իսկ ես կասկածում եմ, որ հստակ է», - նշեց Արմեն Պողոսյանը:
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
