Փրկարարներն անվտանգ տարածք են տեղափոխել էլեկտրոնիկայի խանութի պահեստում հայտնաբերված օձին

ՀՀ արտակարգ իրավիճակների նախարարությունը հուլիսի 5-ին, ժամը 11.18-ին ահազանգ է ստացել, որ Երևանի Թեշեբանի փողոցի թիվ 1 հասցեում օձ է հայտնաբերվել, որին անվտանգ տարածք տեղափոխելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Ինչպես  տեղեկացրին ՀՀ արտակարգ իրավիճակների նախարարության պաշտոնական կայքից, պարզվել է, որ օձը հայտնաբերվել է Թեշեբանի փողոցի թիվ 1 հասցեում գտնվող «Վի-Էլ-Վի էլեկտրոնիքս»-ի պահեստում:

Փրկարարներն օձին տեղափոխել են անվտանգ տարածք: