Դժվար է, երբ 14 հոգու դեմ ես խաղում. «Սանտա-Կոլոմայի» մարզիչը` «Ալաշկերտից» կրած պարտության մասին

Երբ մամուլի ասուլիսի ժամանակ մարզիչն ասում է, որ հակառակորդին պետք է ճզմենք, ապա մենք էլ պետք է պաշտպանվեինք: Չեմպիոնների լիգայի որակավորման փուլի «Ալաշկերտ»-«Սանտա-Կոլոմա» հանդիպումից հետո, ԼՈւՐԵՐ.com-ի թղթակցի փոխանցմամբ, ասաց Ռիչարդ Իմբերնոն:

«Մեզ խաղից առաջ ասուլիսի ժամանակ անարգեցին, խաղի ընթացքում էլ անարգեցին: Մրցավարական աշխատանքը վատ էր: Երկրորդ գոլը երբ խփեց մրցակիցը, մրցավարը ծիծաղեց մեզ վրա: Հույս ունեմ, որ ՈՒԵՖԱ-ն կուսումնասիրի սա և արդարություն կլինի»,- ասաց Անդորրայի թիմի մարզիչը' խոսելով Աբրահամ Խաշմանյանի նախախաղային ասուլիսի ժամանակ արված հայտարությանը:

Մրցավարությունից դժգոհ մարզիչն ասաց.

«Վստահ եմ` եթե մեկ գոլ խփեինք դա մեծ ազդեցություն կունենար: Գոլային պահ ունեցանք, բայց դժվար է, երբ 14 հոգու դեմ ես խաղում: Եթե մրցավարի բոլոր սխալների մասին խոսեմ, ապա վաղը կավարտենք: Եթե չլինեին տաբեր գործոններ բնականաբար մենք հաջողության կհասնեինք: Մենք շատ լավ ֆուտբոլ ունենք»: 

Ըստ մարզչի մրցավարները ծաղրել էին իրենց թիմին.

«Որքանով է արդար որ մրցավարը տեղի թիմի ֆուտբոլիստի հետ խոսում է նույն լեզվով: Դաշտ մտնող խաղացողը 4-րդ մրցավարի հետ կատակում է: Իսկ երկրորդ գոլը մեր դարպասին խփելուց հետո մրցավարը ծիծաղեց մեզ վրա»,-հավելեց մարզիչը:

Այն նկատառմանը, որ իրենց ֆուտբոլիստի անվայել ժեստն է ստիպել երկրպագուներին խաղադաշտ շշեր նետել, մարզիչն ասաց.

«Չեմ տեսել, թե ինչ է տեղի ուեցել: Չեմ արդարացնում կոպիտ ժեստը»: 

Հիշեցնենք, որ հանդիպումը ավարտվել է մերոնց հաղթանակով 3:0 հաշվով: Մրցակցի կազմում ոչ սպորտային պահվածքի համար հեռացվեցին երեք ֆուտբոլիստ: Մերոնց կազմում եղավ մեկ հեռացում: