«Ժողովուրդ». Հովիկ Աբրահամյանն ու Արծվիկ Մինասյանը վիճաբանել են. Բանն հասել է «Արա»-ով դիմելուն

«Ժողովուրդ» օրաթերթի տեղեկություններով՝ վերջերս լուրջ վիճաբանություն է տեղի ունեցել ՀՀ վարչապետ Հովիկ Աբրահամյանի և ՀՀ էկոնոմիկայի նախարար Արծվիկ Մինասյանի միջև:

Ըստ թերթի, դեպքը տեղի է ունեցել կառավարության անդամների կողմից ինչ-որ հարցի քննարկման ժամանակ: Այդ ընթացքում Հովիկ Աբրահամյանը էկոնոմիկայի նախարարին դիմել է «արա»-ով, ինչին վերջինս շատ կոպիտ արձագանքել է և ասել, որ նա իրավունք չունի նման տոնով խոսել նախարարի հետ, պետք է հարգել դիմացինին:

Այսպիսով միջադեպն ավարտվել է, կողմերը համաձայնության են եկել և շարունակել քննարկումը:

«Ժողովուրդ»-ը փորձել է ՀՀ Էկոնոմիկայի նախարար Արծվիկ Մինասյանից պարզել, թե ի՞նչն էր նրան այդքան զայրացրել, որ վիճաբանության մեջ է մտել գործադիրի ղեկավարի հետ, ի պատասխան՝ նախարարն ասել է.

«Նման բան չկա, սուտ տեղեկություններ են: Մենք վարչապետի հետ նորմալ աշխատանքային հարաբերություններ ունենք»: Ի դեպ, վեճի մասին տեղեկությունը հերքում են նաև կառավարությունում:

Մանրամասները՝ թերթի այսօրվա համարում: