«Ոսկե ծիրան». Տարվա չորս եղանակները «Բալերի անուններ» ֆիլմում
Գիտություն և Մշակույթ
Խորվաթ ռեժիսոր Բրանկո Շմիդտը երևանյան «Ոսկե ծիրան» 13-րդ միջազգային կինոփառատոնին ներկայանում է իր «Բալերի անունները» ֆիլմով: Այն ներկայացված է «Միջազգային խաղարկային ֆիլմեր» մրցույթում:
Սա ռեժիսորի տասներորդ կինոնկարն է, իսկ նախորդ աշխատանքների համար Շմիդտը արժանացել է բազմաթիվ մրցանակների՝ տարբեր փառատոններում: «Ես նախորդ օրը այցելել եմ գինու գործարան, և այսօր սովորականից քիչ կխոսեմ: Մենք հաջողություն ենք ունեցել Խորվաթիայի ազգային փառատոնում, շահել՝ յոթ-ութ մրցանակ և մասնակցել նաև այլ փառատոնների»,- նշեց խորվաթ ռեժիսորը: Նա պատմեց, որ ֆիլմը նկարահանվել է քսանմեկ օրում, սակայն էկրա ններին երևում են տարվա չորս եղանակները: «Բալերի անունները» նկարահանվել է ընդամենը հարյուր հիսուն հազար եվրո բյուջե ունենալով:
Առաջին անգամ Խորվաթիայի կինոթատրոններում կինոնկարը ցուցադրվել է երկու շաբաթ առաջ: Ինչպես հավաստիացրեց ռեժիսորը, շատերն են դիտել ֆիլմը, ինչը բավականին անսպասելի է եղել նրա համար:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
