Ունեցանք նոր պատկերացում Հայաստանի անտառային տնտեսության վերաբերյալ. ՀՀ գյուղնախարար

GIZ/ ԳՄՀ – ի (Գերմանական միջազգային համագործակցություն) հայաստանյան գրասենյակի ղեկավար Ջեյմս Մակբեթի առաջարկով ՀՀ գյուղատնտեսության նախարար Սերգո Կարապետյանը մայիսի 14-ին ընդունել է վերջինիս գլխավորած պատվիրակությանը:

Ողջունելով հյուրերին` ՀՀ գյուղատնտեսության նախարարը նախ շնորհակալություն է հայտնել կազմակերպությանը համատեղ իրականացրած ծրագրերի ու աջակցության համար` հույս հայտնելով, որ այդ ծրագրերը կունենան իրենց շարունակությունը նաև առաջիկա տարիներին:

Սերգո Կարապետյանը հատկապես ընդգծել է «Կենսաբազմազանության կայուն կառավաման ծրագրի» արդյունավետությունը, որն իրականացվել է ՀՀ ԳՆ «Անտառային պետական մոնիտորինգ» ՊՈԱԿ – ի հետ համագործակցությամբ:

«Այս ծրագրի շրջանակներում իրականացված անտառների նկարահանումը շատ կարևոր էր մեզ համար: Այն լույս սփռեց հատկապես հասարակական կազմակերպությունների մտահոգությունների վրա: Ունեցանք նոր պատկերացում Հայաստանի անտառային տնտեսության վերաբերյալ: Շատ կարևոր էր հանրային իրազեկումը, ինչպես նաև ձեր կողմից «Անտառային պետական մոնիտորինգ» ՊՈԱԿ – ի տեխնիկական վերազինումն ու մեր մասնագետների ուսուցման ու վերապատրաստման անցկացումը», - նշել է ՀՀ գյուղատնտեսության նախարարը` առաջարկելով նկարահանել նաև ՀՀ ամբողջ հողատարածքները: Սերգո Կարապետյանը կարևորել է նաև Գերմանիայի աջակցությունը օրենսդրական ոլորտում` մասնավորապես անտառային օրենսդրության բարեփոխումներում:

GIZ/ ԳՄՀ – ի (Գերմանական միջազգային համագործակցություն) հայաստանյան գրասենյակի ղեկավար Ջեյմս Մակբեթն իր հերթին, շնորհակալություն հայտնելով ընդունելության համար, ընդգծել է, որ թեև ՀՀ գյուղատնտեսության նախարարության հետ իրականացված «Կենսաբազմազանության կայուն կառավաման ծրագիրն» ավարտվել է, սակայն մատնանշել է համագործակցության այն ոլոտները, որտեղ կարող են երկու երկրները` Գերմանիան և ՀՀ - ն համագործակցել` մասնավորապես առանձնացնելով գյուղանտեսական մթերքների արտահանման, սննդամթերքի անվտանգության ոլորտները:

Երկու երկրների միջև գյուղատնտեսության ոլորտում համագործակցության ակտիվացման նպատակով GIZ/ ԳՄՀ – ի (Գերմանական միջազգային համագործակցություն) հայաստանյան գրասենյակի ղեկավարը ՀՀ գյուղատնտեսության նախարարին հրավիրել է մասնակցելու Գերմանիայում կայանալիք գյուղանտնտեսական ապրանքների ցուցահադեսին, որտեղ երկու երկրների նախարարները կկարողանան որոշակի պայմանավորվածություններ ձեռք բերել: Սերգո Կարապետյանն ընդունել է հրավերը:

Հանդիպման ընթացքում զրուցակիցներն անդրադարձել են նաև ՀՀ կառավարության կողմից մեր երկրում իրականացվող գյուղատնտեսության աջակցության ծրագրերին: