Տեսեք, թե ինչ տեղի ունեցավ Իգուաինի` «Յուվենտուս» տեղափոխության պատճառով. սա աղետ է. Տոտի

«Ռոմայի» լեգենդար ավագը քննադատել է մեծ փողերի հետևից գնալու ցանկություն ունեցող ֆուտբոլիստներին:

Անդրադառնալով Գոնսալո Իգուաինի «Նապոլիից» «Յուվենտուս» տեղափոխությանը Տոտին նշել է.

«Ֆուտբոլը շատ է փոխվել: Այժմ փողն է կարևորվում: Ֆուտբոլիստներն ակումբից ակումբ են տեղափոխվում ավելի հաճախ, որպեսզի ավելի շատ վաստակեն: Այժմ ֆուտբոլն ավելի նման է բիզնեսի: Մարդիկ մարզադաշտ են գալիս, որպեսզի լավ ժամանակ անցկացնեն և տեսնեն այն խաղացողին, ով մշտապես նույն ակումբի հետ է: Միգուցե նրանք հույս են կապում այն ֆուտբոլիստի հետ, ով չի դավաճանի իրենց:

Տեսեք, թե ինչ տեղի ունեցավ Իգուաինի` «Յուվենտուս» տեղափոխության պատճառով: Սա աղետ է: Սակայն, այսօր դա բոլորովին նորմալ իրավիճակ է ընկալվում: Օտարերկրացին գալիս է Իտալիա և հնարավորություն է ստանում տեղափոխվել այլ ակումբ, որպեսզի ավելի շատ գումար վաստակի: Հիմա շատ քչերն են լսում իրենց սրտի ձայնին, մեծամասնությունը նախընտրում է փողը: Եթե ես միտածեի միայն փողի մասին, ապա «Ռոման» լքած կլինեի տասը տարի առաջ», –Տոտիի խոսքը մեջբերում է La Gazzetta dello Sport-ը:

Հիշեցնենք, որ թուրինյան ակումբն Իգուաինի համար վճարել է 90 մլն եվրո: