Եղիշե Պետրոսյանը կասկածվում է զանգվածային անկարգություններ կազմակերպելու մեջ

Երաժիշտ Եղիշե Պետրոսյանը ձերբակալվել է: Ձերբակալման պահին նրա ինքնազգացողությունը վատացել է եւ նրան տեղափոխել են «Աստղիկ» բժշկական կենտրոն:

Փաստաբան Երվանդ Վարոսյանը ֆեյսբուքյան իր էջում գրել է.

Քննիչի կողմից կայացվել է Եղիշե Պետրոսյանին ձերբակալելու մասին որոշում։ Նա կասկածվում է զանգվածային անկարգություններ կազմակերպելու մեջ...

Եղիշե Պետրոսյանը դեռ երեկվանից ուներ առողջական լուրջ խնդիրներ, այսօր շտապ օգնության մեքենայով նա տեղափոխվել է «Աստղիկ» բժշկական կենտրոն, որտեղ բժիշկների հետազոտությունից հետո պարզվեց որ խնդիրը լուրջ է և նա ունի ստացիոնար բուժման կարիք։

Միաժամանակ Եղիշե Պետրոսյանը շարունակում է մնալ անազատության մեջ' ոստիկանների մշտական հսկողության տակ։