ԿԲ խորհրդի նիստում

Կենտրոնական բանկի խորհուրդը մայիսի 15-ի նիստում, որը վարել է ԿԲ նախագահ Արթուր Ջավադյանը, հաստատել է «Համահայկական բանկի հաշվետվությունները, դրանց ներկայացումը և հրապարակումը» կանոնակարգ 01/04-ը, «Պարտադիր կենսաթոշակային ֆոնդի մասնակիցների ռեեստրը վարողի կողմից երաշխիքային ֆոնդի կառավարչին հաշվետվությունների տրամադրման կարգը և պայմանները» կանոնակարգ 10/15-ը, ՀՀ ԿԲ 2012-2013 թթ. հուշադրամների թողարկման ծրագրով նախատեսված «Հայաստանի վանքերը և եկեղեցիները» շարքի երեք հուշադրամների դիմերեսի և դարձերեսի էսքիզները, ինչպես նաև «Գնաճի հաշվետվությունը (Դրամավարկային քաղաքականության ծրագիր (2012 թ. II եռամսյակ) և Դրամավարկային քաղաքականության 1-ին եռամսյակի ծրագրի կատարման հաշվետվություն)»:

Խորհուրդը փոփոխություն է կատարել ««Հայաստանի ավտոապահովագրողների բյուրո» իրավաբանական անձանց միության կողմից ՀՀ ԿԲ ներկայացվող հաշվետվությունների ձևերը, բովանդակությունը, ներկայացման կարգը ու ժամկետները» փաստաթղթում:

Խորհրդի որոշմամբ վերաձևակերպվել են Ա/Ձ Գագիկ Ջնդոյան փոխանակման կետի արտարժույթի առուվաճառքի թիվ 721, Ա/Ձ Գուրգեն Մելիքյան փոխանակման կետի արտարժույթի առուվաճառքի թիվ 630, անհատ ձեռնարկատեր Անատոլի Սահակյան փոխանակման կետի արտարժույթի առուվաճառքի թիվ 616, «Թրեյդեր» ՍՊԸ գրավատան կազմակերպման թիվ ԳԳ-Ե 249 և «ՍԵՅՎՐ» ՍՊԸ գրավատան կազմակերպման թիվ ԳԳ-Ե 145 լիցենզիաները: ԿԲ խորհուրդը որոշել է հրապարակել ՀՀ ԿԲ 2012թ. առաջին եռամսյակի «Բանբերը»: