Հանոյում կայացել է Հայաստանի անկախության 25-ամյակին նվիրված միջոցառում

Հանոյի Բարեկամության պալատում սեպտեմբերի 17-ին տեղի է ունեցավ Հայաստանի անկախության 25-ամյակին նվիրված միջոցառում, որը կազմակերպվել էր Վիետնամում ՀՀ դեսպանության և Հայաստան-Վիետնամ բարեկամական խմբի կողմից: Այս մասին տեղեկանում ենք ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից՝ հավելելով. «Ներկաներին ուղղված իր խոսքում Վիետնամում ՀՀ դեսպան Ռաիսա Վարդանյանը ներկայացրեց Հայաստանի անկախության ուղին, դիմագրաված մարտահրավերները և արձանագրված ձեռքբերումները՝ անդրադառնալով նաև հայ-վիետնամական դինամիկ զարգացում ապրող հարաբերություններին: Այս համատեքստում դեսպան Վարդանյանը բարձր գնահատեց Հայաստան-Վիետնամ բարեկամության խմբի անդամների ջանքերը՝ ուղղված երկու երկրների միջև կապերի խորացմանն ու սերտացմանը:

Հայաստանի մասին զեկույցներով հանդես եկավ Հայաստան-Վիետնամ բարեկամության խմբի նախագահ Նգույեն Վան Դվանը:

Միջոցառումն ավարտվեց համերգային ծրագրով, որի ընթացքում կատարվեցին հայկական և վիետնամական ժողովրդական երգեր»: