Ադրբեջանում երիտասարդ կինը ինքնասպան է եղել

Ադրբեջանում 3 երեխաների մայրը ինքնասպանությամբ վերջ է տվել կյանքին:

Այս մասին, ինչպես հաղորդում է «Արմենպրես»-ը, հայտնում է ադրբեջանական azadliq.info լրատվականը:

Ադրբեջանի Քոբուստանի շրջանի Արաբշալբաշ գյուղի բնակչուհին' 1991 թվականին ծնված Ինթիզար Մամեդովան, իր տանը, որտեղ բնակվում էր 3 երեխաների հետ, ինքնասպան է եղել:

Ինքնասպանության պատճառները հայտնի չեն: Փաստի առնչությամբ հետաքննություն է սկսվել:

Ադրբեջանում ինքնասպանների տարիքը սրընթացորեն երիտասարդանում է, իսկ շատ դեպքերում ինքնասպանությունների մի մասը իշխանությունները ներկայացնում են որպես սպանություն կամ դժբախտ դեպք: Մանկական հոգեբույժ Նարմինա Հաջիեւայի խոսքով' վերջին 10-20 տարում Ադրբեջանում մանկական ինքնասպանությունների թվաքանակը 15-16 անգամ աճել է:

Ադրբեջանական ԶԼՄ-ների համաձայն' 2016 թվականի սկզբից մինչ այժմ Ադրբեջանում տեղի ունեցած 247 ինքնասպանություններից 28-ը գործել են անչափահասներ, 112-ը' կանայք: 2016 թվականին Ադրբեջանում ինքնահրկիզման 18 փորձ է գրանցվել, որից 15-ը մահվան ելքով ավարտ է ունեցել:

Մամուլի հրապարակումների եւ հետազոտությունների համաձայն' ինքնասպանություններն Ադրբեջանում ավելի շատ տեղի են ունենում նյութական դժվարությունների պատճառով: