«Պրիմիտիվ գողություն»-ների փիլիսոփայությունը

Քաղաքական պատասխանատվություն ասելով նկատի ունեմ, որ քննությունն հանձնվում է ընտրությունների ժամանակ: ԱԺ-ում լրագրողների հետ զրույցում հայտարարեց ԱԺ փոխխոսնակ Էդուրարդ Շարմազանովը:

Պատասխանելով լրագրողի դիտարկմանը, թե դուք պատասխնատու եք Ձեզ համարում հնի ու նորի համար, սակայն նոր վարչապետն հայտարարել է պրիմիտիվ գողությունների ու բիզնեսներ խլելու մասին, սա ինչպե՞ս կմեկնաբանեք, Շարմազանովն ավելացրեց. «Չեմ կարծում, որ վարչապետը պետք է դառնար վարչապետ, որ նոր ասեր այդ մասին: Այո, մենք պատասխանատու ենք և պարզ ու շիտակ ասում ենք, որ սահմանադրական բարեփոխումներից հետո կուսակցությունների դերակատարումը շեշտակի ավելացել է և բնականաբար, ցանկացած գործչի գործողություններ պայմանանվորված պետք է լինեն ոչ միայն նրա անձնակա սխալներով, այլև դրանց համար պետք է պատասխանատվություն կրի նաև քաղաքական այն թիմը, որի հետ նա աշխատում է, և նա, ով նրան այդ պաշտոնում նշանակել է»,- ասաց նա:

Պնդմանը, որ նորանշանակ վարչապետի շուրթերից հստակ հնչել է «պրիմիտիվ գողություն» արտահայտությունը, որը քրեորեն պատժելի հանցանք է, սակայն իրավապահ մարմինները ոչինչ չեն ձեռնարկում, Շարմազանով նեղսրտեց՝ նշելով, թե դա նախ ընդհանուր փիլիսոփայություն է, ապա ավելացնելով, որ ինքը ոչ թե Կարեն Կարապտյանի,այլ՝ ՀՀԿ-ի խոսնակն է. «Դուք այդ հարցը նոր վարչապետին տալու հնարավորություն կունենաք հաջորդ շաբաթ: Իմ կարծիքով վարչապետն ընդհանոր փիլիսոփայության մասին է խոսել և շատ նորմալ է, որ վարչապետը խոսում է բաց ու հրապարակային: Այդ հարցը կոնկրետ հանցագործության մասին չէ, այլ որ կան խնդիրներ, որոնք պետք է ավելի արդյունավետ լուծել»,- ասաց նա: