Արենիում կայացավ գինու ավանդական փառատոնը
Գիտություն և Մշակույթ
Արենի գյուղում 8-րդ անգամ կայացավ ավանդական Արենի գինու փառատոնը: Գինի արտադրող 18 կազմակերպությունները փառատոնի շրջանակներում ներկայացրեցին իրենց արտադրանքը:
«Areni Wine» փառատոնի տնօրեն Նունե Մանուկյանի խոսքով՝ տարեցտարի ավելանում են գինի արտադրող ընկերությունների և տնական գինի արտադրող անհատների քանակը: «Այս տարի 18 գինի արտադրող կազմակերպություն Հայաստանից ներկայացնում է իր արտադրանքը, ինչպես նաև 60 տնական գինի արտադրող անհատներ: Արցախից մասնակցում են 3 ընկերություններ, որոնցից մեկը զբոսաշրջային գործակալություն է»,- նշեց Նունե Մանուկյանը:
Միջոցառմանը ներկա ՀՀ էկոնոմիկայի առաջին տեղակալ Գարեգին Մելքոնյանի խոսքով էլ՝ այսօրվանից Հայաստանում են Զբոսաշրջության համաշխպարհային կազմակերպության աֆիլացված անդամների կոնֆերանսին մասնակցող 25-ից ավելի երկրների շուրջ 70 պատվիրակներ, որոնց փոխնախարարն ուղեկցում էր գինու փառատոնին:
Փառատոնի միջոցառումների մեկնարկին նշվեցին մասնակից կազմակերպությունների անունները, ինչից հետո վերջիններիս կողմից բերված խաղաղը լցվեց տակառի մեջ, որում էլ աղջիկները սկսեցին, ըստ ավանդույթի, ոտքերով այն ճզմել:
ՈՒՂԻՂ ԵԹԵՐ
Ամենադիտված 
Վենսը Բաքվում կատակել է Մեհրիբան Ալիևայի մասին
