Արցախում հակառակորդի կրակոցից բեռնատար է վնասվել (լուսանկարներ)

Հակառակորդը գիշերը կրակել է խոշոր տրամաչափի զինատեսակներից: Ինչպես հայտնում է ԼՂՀ ՊԲ մամուլի ծառայությունը, կրակոցներից բեռանատար է վնասվել։

Հոկտեմբերի 6-ի լույս 7-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է ավելի քան 50 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է շուրջ 1800 կրակոց: Առավել ինտենսիվ խախտումներ են արձանագրվել հյուսիսային և հյուսիսարևելյան ուղղություններում: Նշված հատվածներում ադրբեջանական զինուժը կիրառել է ԴՇԿ տիպի խոշոր տրամաչափի գնդացիր (155 կրակոց) և «ԻՍՏԻԳԼԱԼ» տիպի հեռահար դիպուկահար հրացան (109 կրակոց):

Հյուսիսային ուղղությամբ հակառակորդը կիրառել է նաև ՀԱՆ-17 (հաստոցավոր ավտոմատ նռնականետ)՝ 1 արկ: Ավելի վաղ տեղեկացրել էինք, որ հակառակորդի կրակոցից զինծառայող է վիրավորվել։