Առաջին անգամ իշխանափոխություն է կատարվում. Արմեն Ռուստամյան
Քաղաքական
«Հիմա բոլոր խաղաքարտերն ընդդիմադիր դաշտի ձեռքում են»:
ԱԺ ճեպազրույցների ժամանակ պատասխանելով հարցին՝ հնարավո՞ր է ՀՀԿ-ն Վանաձորում դառնա ընդդիմություն, ասաց ՀՅԴ խմբակցության ղեկավար Արմեն Ռուստամյանը:
«Դրական եմ համարում, որ առաջին անգամ իշխանափոխություն է կատարվում, թեկուզ հանրապետության երրորդ քաղաքում: Ուրախ եմ, որ համաձայնության մասին է խոսվում, բայց ես դառը փորձ ունենալով՝ չէի շտապի»,-ընդգծեց Ռուստամյանը:
Հիշեցնենք, որ «Հայկական վերածնունդ» և «Բարգավաճ Հայաստան» կուսակցությունները երեկ հանդես են եկել համատեղ հայտարարությամբ, որտեղ նշել են, որ Վանաձորի ավագանու նիստի ժամանակ քաղաքապետի թեկնածուի պաշտոնում սատարելու են «Լուսավոր Հայաստան»-ի թեկնածու Քրիստ Մարուքյանին:
Պատգամավոր հորորում է սպասել մինչև ավագանու նիստի ավարտը: Նշենք, որ քվեարկությունը լինելու է փակ և գաղտնի, որտեղ քաղաքապետը պետք է հավաքի առնվազն 17 ձայն:
«Մենք միշտ էլ ասել ենք, որ ընդդիմությունն էլ պիտի լծակներ ունենա: Եթե Վանաձորում ընդդիմությունն ունենա քաղաքապետ, սա արդեն առաջընթաց կլինի: Մենք այդ էինք ուզում, ես սա համարում եմ լավ նախադեպ, բայց նաև լավ կլինի, որ այդ լավ նախադեպը ինտրիգներով, ներքին խնդիրներով չձախողվի»,-եզրափակեց նա:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
