Մեզ ֆավորիտ չեմ համարում. Հայաստանն ի զորու է հավասար պայքար մղել. Ռումինիայի հավաքականի ֆուտբոլիստ

Մխիթարյանը մեծ ֆուտբոլիստ է, բայց մենք կենտրոնանալու ենք Հայաստանի հավաքականի ողջ թիմի, վրա, այլ ոչ թե անհատական խաղացողների: ԼՈւՐԵՐ. com-ի թղթակցի փոխանցմամբ՝ ԱԱ 2018-ի ընտրական փուլի Հայաստան-Ռումինիա խաղից առաջ, այդ մասին լրագրողների հետ զրույցում ասաց Ռումինիայի ազգային ընտրանու ֆուտբոլիստ Դրագոշ Գրիգորեն:

Այն հարցին, թե քանի միավոր են նախատեսում նվաճել վաղը կայանալիք խաղից, ֆուտբոլիստն ասաց.

«Չեմ կարող ասել: Միայն կասեմ, որ դաշտ կմտնենք հաղթողի ոգով և կփորձենք ձեռք բերել երեք միավոր: Բոլոր խաղերն էլ դժվար են, բայց վաղը կփորձենք հաղթել»:

Խոսելով Հայաստանի հավաքականի ավագ Հենրիխ Մխիթարյանի բացակայության մասին` ֆուտբոլիստն ասաց.

«Մխիթարյանը մեծ ֆուտբոլիստ է, բայց մենք կենտրոնանալու ենք Հայաստանի հավաքականի ողջ թիմի վրա, այլ ոչ թե անհատական խաղացողների»:

Խոսելով 12 տարի առաջ թիմերի միջև տեղի ունեցած հանդիպման մասին, որն ավարտվել էր ոչ-ոքի, խաղացողը նշեց.

«Չեմ հիշում այդ խաղը, քանի որ չեմ մասնակցել: Կարող եմ ասել՝ մեծ հիասթափություն էր: Վաղն ամեն ինչ անելու ենք, որ այդ արդյունքը չկրկնվի: Չեմ համարում, որ մենք ֆավորիտ ենք, կարծում եմ` Հայաստանն ի զորու է հավասար պայքար մղել վաղվա խաղում: Իրականում շատ բան չգիտեմ Հայաստանի հավաքականի մասին, բացի Մխիթարյանից և Քարամյան եղբայրներից: Բայց ձեռնարկել ենք ամեն ինչ, որ վաղը կարողանանք հաղթանակ տանել: