ՀՀ-ում վերգետնյա թվային հեռուստա-ռադիոհեռարձակման համակարգի ներդրման նպատակով հայտարարված մրցույթ

ՀՀ կառավարության կողմից հաստատված ծրագրի համաձայն, Տրանսպորտի և կապի նախարարության պարտավորությունների թվում է հանրապետության տարածքում ռադիոհեռուստատեսային հեռարձակման թվային համակարգին անցնելուն նպատակաուղղված աշխատանքների իրականացումը:

ՀՀ տրանսպորտի և կապի նախարարությունում ս/թ մայիսի 22-ին տեղի է ունեցել Հայաստանի Հանրապետությունում վերգետնյա թվային հեռուստա-ռադիոհեռարձակման համակարգի ներդրման և կառավարման ծառայությունների ձեռքբերման նպատակով հայտարարված մրցույթի նախաորակավորման փուլի հայտերի բացումը՝ հայտ ներկայացրած ընկերությունների ներկայացուցիչների մասնակցությամբ:

Հայտ են ներկայացրել տեղական և միջազգային 8 ընկերություններ՝

1. Սավ-Օն-Մոնոլան /ԱՄՆ/

2. Դիջիտալ Սերվիս /Բուլղարիա/

3. «Ղ- Տելեկոմ» ՓԲԸ /ՀՀ/

4. «Հարիս Կոմյունիկեյշնզ Սի-Այ-Էս» ՍՊԸ /Ռուսաստան/

5. «Ի.Ս.Պ.Ա. – ՍԱՏ» ՍՊԸ /Ռուսաստան/

6. «Նեքսիս Ըլայնս Լիմիթեդ» Ընկերություն /Հոնկ Կոնգ/ և «Յուքոմ» ՍՊԸ /ՀՀ/ /համատեղ/

7. «Արմենիան Դեյթաքոմ Քամփնի» ՓԲԸ / ՀՀ/

8. «Լանս» ՓԲԸ /ՀՀ/:

Տարբեր գերատեսչությունների և հասարակական կազմակերպությունների ներկայացուցիչներից կազմված գնահատող հանձնաժողովը օրենսդրությամբ սահմանված ժամկետում կուսումնասիրի ներկայացված հայտերը և կհայտարարի մրցույթի նախաորակավորման փուլի պահանջները բավարարած ընկերությունների անունները: