Ըստ Արմեն Պողոսյանի՝ կրկին թանկացումներ կլինեն
Տնտեսություն
Միջազգային շուկայում հացահատիկի գների բարձրացումը կազդի նաև Հայաստանում հացի թանկացման վրա: Այս մասին Լուրեր.com-ի հետ զրույցում ասաց Սպառողների միության նախագահ Արմեն Պողոսյանը: Նրա խոսքերով՝ մոտ 2-3 տոկոսով թանկացում է սպասվում:
«Բանն այն է, որ գների բարձրացումն անմիջապես է ազդում, իսկ գների անկումը՝ ո՛չ: Դա ընդամենը մի քանի օրվա հարց է, ոչ թե ամիսների, և ես նկատում եմ, որ թանկացման հերթական ալիքը միշտ հաջորդում է ընտրությունների ավարտին։ Այստեղ ավելի հիմնավոր պատճառներ կան, քան միջազգային շուկայի գնային տատանումները, որովհետև փողի զանգվածը և ապրանքների ընդհանուր զանգվածն իրար հետ այնպես սերտորեն են կապված, որ եթե լրացուցիչ գումարներ են ներդրվում, դա բերում է գների աճին», - նշեց Արմեն Պողոսյանը:
Պողոսյանի տեղեկություններով՝ վերջին շրջանում՝ ընտրությունների հետ կապված մոտ 25 մլն դոլար է ծախսվել։ «Իրականում ավելի շատ գումար է ծախսվել, բայց այդպիսի թվեր են շրջանառվում: Դա նշանակում է, որ փողի զանգվածն այդքանով ավելացավ և պահանջարկն ավելացավ, ինչն էլ կանդրադառնա ոչ միայն հացի, ցորենի գների վրա, այլ նաև մնացած ապրանքների վրա: Բենզինն է թանկանում և այլն, և այլն», - նշեց Պողոսյանը:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
