«Իրատես». Արմատակա՞ն, թե՞ չափավոր. իրար չեն հասկանում Նիկոլ Փաշինյանն ու Սասուն Միքայելյանը

«Իրատես» թերթը գրում է. «Ասում են, թե չնայած եռակողմ դաշինքին, հակասությունների ալիք է բարձրացել «Քաղաքացիական պայմանագիր» կուսակցությունում՝ իրար չեն հասկանում Նիկոլ Փաշինյանը և Սասուն Միքայելյանը։

Վերջինս փորձում է կուսակցությունը տանել դեպի արմատական ընդդիմադիր հատված, իսկ Նիկոլ Փաշինյանը «չափավոր» ընդդիմադրի կարգավիճակն է նախընտրում։

Ասում են՝ այս դիմակայությունը կարող է նաև տրոհման պատճառ դառնալ, սակայն ՔՊ-ում հակված են ամեն ինչ անելու, որ մինչև ընտրություններ թվացյալ համերաշխությունը պահպանվի»:

Մանրամասները՝ թերթի այսօրվա համարում