Hewlett-Packard-ը մասսայական կրճատումներ է իրականացնում

Ինչպես և սպասվում էր, Hewlett-Packard ընկերությունը մինչև 2014-ի ավարտը աշխատանքից կազատի 27000 աշխատակցի, ինքը կազմում է ընդհանուր թվի մոտ 8%-ը։

Այս միջոցառումը թույլ կտա տնտեսել ավելի քան 3.5 միլիարդ դոլար, որոնք ետ կներարկվեն ընկերության բյուջե։

Ընկերության ներկայացուցիչը հայտարարել է, որ դեռ վաղ է ասել, թե որ երկրներում դա առավել մեծ չափեր կընդունի՝ միաժամանակ նշելով, որ կրճատումներ կանցկացվեն բոլոր դեպարտամենտներում։

«Կրճատումներն, իհարկե, բացասաբար կանդրադառնան աշխատակիցների վրա, սակայնդա անհրաժեշտ միջոցառում է՝ ուղղված ընկերության ապագային», - ասել է Hewlett-Packard-ի ղեկավար Մեգ Ուիթմենը։

Մասսայական կրճատումների վերաբերյալ տեղեկությունը ստվերել է ընկերության ֆինանսական հաշվետվությունը, համաձայն որի Hewlett-Packard-ի եկամուտներն ու շահույթն ավելին են եղել, քան սպասվում էր։

Ընկերության՝ ճգնաժամում հայտնվելու հիմնական պատճառը պլանշետային համակարգիչների առաջացրած կոշտ մրցակցությունն է շուկայում։