Կրասնոդարի երկրամասում ավտովթարից տուժած հինգ ՀՀ քաղաքացիների վիճակը գնահատվում է միջին ծանրության

ՀՀ առողջապահության նախարարությունը տեղեկացնում է, որ Ռուսաստանի Դաշնության Մ-29 ավտոճանապարհին տեղի ունեցած ավտովթարից տուժածներից Պավլովի շրջանի կենտրոնական հիվանդանոցում, ժամը 16.20-ի դրությամբ, բուժվում է ՀՀ 5 քաղաքացի։ Այս մասին ժտեղեկացրին ՀՀ առողջապահությա ն հասարակայնության հետ կապերի բաժնից՝ հավելելով. «Նրանցից մեկը, դուրս գրվելուց հետո գանգատներով, կրկին վերադարձել է հիվանդանոց։

Այս պահի դրությամբ մասնագետները 5 տուժածի վիճակը գնահատում են միջին ծանրության։ Իրականացված հետազոտությունների և իրավիճակի փոփոխության արդյունքում կորոշվի տուժածներից 2-ին վիրահատելու հարցը»։

Հունվարի 22-ին, ժամը 14.27-ին ՌԴ ԱԻՆ հարավային մարզային կենտրոնի ճգնաժամային կառավարման կենտրոնից (ՃԿԿ) տեղեկատվություն է ստացվել, որ ժամը 11.55-ին Մ-29 ավտոճանապարհի 12-րդ կիլոմետրում (Պավլովի շրջան) տեղի է ունեցել ՃՏՊ:

Mercedes-Benz մակնիշի 27 UL 776 պետհամարանիշով (պատկանում է ՀՀ քաղաքացի 1985 թ. ծնված Վանուշ Սահակյանին) միկրոավտոբուսը շրջվել է, ինչի հետևանքով 7 ՀՀ քաղաքացիներ հոսպիտալացվել են Պավլովի շրջանի կենտրոնական հիվանդանոց: Ժամը 17.00-ին կապ է հաստատվել հիվանդանոցի ընդունարանի հերթապահ բժշկի հետ, ով տեղեկացրել է, որ իրենց մոտ են հոսպիտալացվել 9 ՀՀ քաղաքացիներ. 1985 թ. ծնված Վ. Սահակյանը, 1960 թ. ծնված Մուշեղ Մանուկյանը, 1984 թ. ծնված Կարեն Հակոբյանը, 1987 թ. ծնված Մհեր Քոթանջյանը, 1988 թ. ծնված Դավիթ Քոթանջյանը, 1987 թ. ծնված Արսեն Պողոսյանը, 1992 թ. ծնված Գևորիկ Դալլաքյանը, 1987 թ. ծնված Գարիկ Կոստանդյանը և 1983 թ. ծնված Հերմինե Բեկթաշյանը: