«Բարսելոնա»-ն Մեսսիին 5 տարվա պայմանագիր կառաջարկի

Կատալոնյան «Բարսելոնա»-ն Լիոնել Մեսսիի համար նոր պայմանագիր է պատրաստել:

Ինչպես տեղեկացնում է Sport.es-ը, ակումբն առաջիկա ժամերի ընթացքում առաջարկ կանի ֆուտբոլիստին: Կատալոնացիները Մեսսիին 5 տարվա պայմանագիր կառաջարկեն: Ակումբի նախագահն անձամբ է ուզում հանդիպել ֆուտբոլիստին և քննարկել պայմանագիրը:

Արգենտինայի հավաքականի ֆուտբոլիստի գործող պայմանագիրը «կապտանռնագույնների» հետ ավարտվում է 2018թ.-ին: Գործող պայմանագրի համաձայն՝ Մեսսին կատալոնյան թիմում ստանում է 22 մլն եվրո: