Մարմնամարզիկները ժամանեցին Դոհա

Սպորտային մարմնամարզության Հայաստանի ազգային հավաքականը Հակոբ Սերոբյանի գլխավորությամբ այս գիշեր մեկնեց Քաթար: Այս մասին տեղեկացնում է ՀԱՕԿ-ի կայքը:

Հայ մարմնամարզիկները մարտի 9-20-ը Դոհայում ուսումնամարզական հավաք կանցկացնեն: Այնուհետեւ, հավաքականը մարտի 20-25-ը տեղում կմասնակցի աշխարհի գավաթի խաղարկության փուլին:

Հավաքականի գլխավոր մարզիչ Հակոբ Սերոբյանը թիմի կազմում ընդգրկել է 4 մարմնամարզիկի: Նրանք են' Արթուր Դավթյանը, Վահագն Դավթյանը, Հարություն Մերդինյանը եւ Արթուր Թովմասյանը: