Կայացել է ՀՀ-ԵՄ առևտրի, տնտեսական Ենթակոմիտեի հերթական տասնմեկերորդ նիստը

Մայիսի 30-ին Երևանում տեղի ունեցավ ՀՀ-ԵՄ առևտրի, տնտեսական Ենթակոմիտեի հերթական տասնմեկերորդ նիստը:

Նիստի համանախագահներն էին` Հայկական կողմից` ՀՀ էկոնոմիկայի նախարարի տեղակալ Գարեգին Մելքոնյանը, Եվրոպական կողմից` Առևտրի գլխավոր տնօրինության, Եվրոպայի և Կենտրոնական Ասիայի բաժնի պետ Լյուք Պիեր Դեվինյը (Luc Pierre Devigne):

Նիստի ընթացքում կողմերը քննարկեցին օրակարգում ներառված հարցերը` ընդհանուր մակրոտնտեսական զարգացումները ՀՀ-ում, միջազգային ֆինանսական հաստատությունների հետ համագործակցության զարգացումները, ներկա զարգացումներն երկկողմ առևտրում, ներառյալ' ԵՄ կողմից Հայաստանին տրամադրվող Արտոնությունների ընդհանրացված համակարգ (GSP+), ՀՀ-ԵՄ Խոր և համապարփակ ազատ առևտրի գոտու բանակցային գործընթացի ներկա իրավիճակը և զարգացումները: Քննարկվեցին նաև ստանդարտացման, տեխնիկական կանոնակարգերի և համապատասխանության հավաստման, սանիտարական և բուսասանիտարական միջոցների, մտավոր սեփականությաւն, պետական գնումների, ներդրումային միջավայրի բարելավման, ընկերությունների հիմնադրման, հաշվապահության և աուդիտի, ֆինանսական ծառայությունների, կապիտալի տեղաշարժի և ընթացիկ վճարների ոլորտներին առնչվող հարցեր, ինչպես նաև բարեփոխումները և զարգացումները հարկային և մաքսային ոլորտներում, համագործակցությունը վիճակագրության ոլորտում, մրցակցության, ձեռնարկությունների ոլորտում իրականացվող քաղաքականության և առևտրին առնչվող ԵՄ տեխնիկական աջակցություն հարցերը, ՀՀ-ԵՄ համագործակցության վերջին շրջանի զարգացումները, ինչպես նաև նախկինում ձեռք բերված պայմանավորվածությունների իրականացման ընթացքը: