BlackBerry-ի արժեթղթերն ընկել են 9 տարվա նվազագույնին

Կանադական Research In Motion (RIM) ընկերության արժեթղթերը հունիսի 4-ի վաճառքի տվյալներով էժանացել են 9.66$-ից 5.85%-ով, ինչը 2003 թվականից ի վեր ամանացածր ցուցանիշն է։ Պատմական 147.55$ մաքսիմումի հետ համեմատ (2008թ.), արժեթղթերը կորցրել են իրենց գնի 93%-ը։

RIM ընկերության արժեթղթերի անկումը տեղի է ունեցել այն բանից հետո, երբ ընկերությունը նվազեցրել է շահույթի վերաբերյալ իրա կանխատեսումները։ Մայիսի 29-ին BlackBerry-ի արտադրողը հայտնել է, որ մարտ-հունիսի արդյունքներով ընկերությունը հնարավոր է՝ վնասներ կրի։ 2011 ֆինանսական տարվա (ավարտվել է 2012-ի մարտի 3-ին) վերջին քառորդի արդյունքների համաձայն, ընկերությունը կորցրել է 125 միլիոն դոլար։

Բացի այդ, RIM-ը վարձել էր JP Mrgan և The Royal Bank of Canada ընկերություններին որպես խորհրդատուներ բիզնեսի հաջող պլանավորման և անցկացման նպատակով։ Ինչպես ավելի վաղ նշել են վերլուծաբանները, այդ ֆինանսական կազմակերպությունների օգնությունը դիտվում է որպես «վերջին հույս» սմարթֆոներ արտադրողի համար։

Հունիսի 4-ի առքուվաճառքի ժամանակ զգալիորեն էժանացել են նաև Groupon խմբակային զեղչերի ծառայության արժեթղթերը՝ ընկնելով 7.64%-ով  հասնելով 8.95$-ի։

Անկում են գրանցել նաև Facebook ընկերության արժեթղթերը՝ հասնելով հերթական մինիմումին՝ 26.9$-ի, երբ դրանց սկզբնական բացթողնման արժեքը 38$ էր։