Մնաց 9 ամիս, սակայն գցված են նախատեսված 14 հարկանի շենքի միայն 4 հարկի ամրանները.գիտաշխատողները տարակուսած են

ՀՀ Կառավարության կողմից կյանքի կոչած «Մատչելի բնակարան գիտաշխատողներին» ծրագրի շրջանակում «Համալսարանական շրջմիության» նախագահ, միևնույն ժամանակ «Սպորտի և երիտասարդության հարցերի» փոխնախարար Արսեն Քարամյանի անմիջական պատասխանատվությամբ 2011 թվականի գարնանը մեկնարկել է Պարույր Սևակ փողոցի վրա 14 հարկանի շենքի շինաշխատանքները, ծրագիրը նախատեսված էր հանձնել 2013 թվականի փետրվարի 18-ին:

Մինչև շենքը կհանձնվի շահագործման, շուկայականից ավելից ցածր գնով բնակարաններ ձեռք բերելու նպատակով սահմանված է ամսեկան համապատասխան վճարում, որը բնակարանատերերը պարտաճանաչորեն վճարում են և մինչ 2013 թվականի փետրվարը ողջ գումարը մարած կլինեն, ինչպես նաև բնակարաններ շատերը ամբողջովին գնել են VTB բանկի կողմից հիփոթեքային վարկի միջոցով:

Սակայն գիտաշխատողները անհանգստացած են, որ շինարարական աշխատանքները դանդաղում են, իսկ ձմռանը և գարնանը նույնիսկ դադարել էին, շինաշխատանքների ողջ ընթացքում գցվել են միայն 4 հարկի ամրանները և այն էլ` մասամբ, իսկ 2013 փետրվարի 18-ին 14 հարկանի շենքի հանձնման մասին խոսք չի կարող գնալ: Բնակիչները տարակուսած են, որ շենքի կառուցումը կարող է տարիներով ձգձգվել կամ էլ այդպես էլ չկառուցվել` բնակարանների համար վճարված գումարները իսպառ փոշիացնելով: