Սիրտս հուշեց՝ հեռանալու ժամանակն է. Նեյմարի հուզիչ հրաժեշտը «Բարսա»-ի երկրպագուներին (տեսանյութ)

ՊՍԺ-ի նորեկ Նեյմարը հրաժեշտ է տվել կատալոնյան «Բարսելոնա»-ի երկրպագուներին և ինստագրամի իր էջի միջոցով հուզիչ տեսահուղերձով է հանդես եկել:

«Բարսելոնա»-ն երեխայի երազանքն էր, ով  աստղերի հետ խաղում էր տեսախաղերում: 21 տարեկանում  տեղափոխվեցի Կատալոնյան՝ մեծ հեռանկարներով:

Մինչև հիմա հիշում եմ  առաջին օրերս ակումբում, հիշում եմ հանդերձարանը, որը կիսում էի կուռքերիս՝ Մեսսիի, Վալդեսի, Չավիի, Ինյեստայի, Պույոլի, Պիկեի, Բուկսետիսի և այլոց հետ:

Պատիվ եմ ունեցել խաղալ ուժեղագույն մարզիկների հետ, որոնց  երբևէ հանդիպել եմ կյանքում: Համոզված եմ՝ քանի ողջ եմ՝ չեմ հանդիպի նման ուրիշ մեկին: Մեսսին դարձավ ընկերս և՛ դաշտում և՛ դրա սահմաններից դուրս: Ինձ համար պատիվ էր ձեզ հետ խաղալը:

Սուարեսի և Մեսսիի հետ ստեղծեցինք պատմություն կերտած եռյակ: Մենք նվաճեցինք բոլոր հնարավոր տիտղոսները և ապրեցինք անմոռանալի պահեր:

Կատալոնյան իմ հայրենիքն է, ես սիրում եմ այն,  Բարսելոնան, բայց մարզիկին անհրաժեշտ են նոր մարտահրավերներ: Այդ պատճառով էլ կյանքումս երկրորդ անգամ դեմ գնացի հորս  կարծիքին: Հայրի՛կ, ես հարգում եմ քո կարծիքը, բայց սա իմ որոշումն է, խնդրում եմ քեզ՝ աջակցել ինձ այնպես, ինչպես միշտ ես արել:

«Բարսելոնա»-ն ու Կատալոնյան հավերժ կմնան իմ սրտում, բայց ինձ նոր մարտահրավեր էր անհրաժեշտ: Ընդունեցի ՊՍԺ-ի առաջարկը, որպեսզի նոր հաջողությունների հասնեմ և օգնեմ ակումբին  տիտղոսներ նվաճել, որին սպասում են երկրպագուները:

Սիրտս հուշեց, որ հեռանալու ժամանակն է: ՊՍԺ-ն դարձավ տունս առաջիկա տարիների համար»:

Հիշեցնենք, որ բրազիլացին դարձավ պատմության ամենաթանկ ֆուտոլիստը, ում հրաժարագինը կազմեց 222 մլն եվրո:

Տեսանյութը՝ այստեղ: