«Ռեալ»-ը՝ ՈւԵՖԱ-ի սուպերգավաթակիր (տեսանյութ, լուսանկարներ)

Սկոպյեում տեղի ունեցավ ՈւԵՖԱ-ի Սուպերգավաթի խաղարկությունը:

Գավաթը խաղարկեցին Չեմպիոնների լիգայի գործող չեմպիոն Մադրիդի «Ռեալ»-ն ու Եվրոպայի լիգայի գավաթակիր «Մանչեսթեր Յունայթեդ»-ը:

Տիտղոսը նվաճեց «Արքայական ակումբը»՝ հաղթելով 2:1 հաշվով:

Առաջին գոլը գրանցվեց մեկնարկից 24 րոպե անց. Կարվախալի արդյունավետ փոխանցումը եզրափակեց Կազեմիրոն: Երկրորդ խաղակեսում՝ 52-րդ րոպեին Դե Խեայի պաշտպանած դարպասը գրավեց Իսկոն՝ Գարեթ Բեյլի փոխանցումից հետո:

Անգլիական ակումբի միակ գոլը 62-րդ րոպեին խփեց Ռոմելու Լուակակուն:

Հայաստանի հավաքականի ավագ Հենրիխ Մխիթարյանը մանկունիացիների մեկնարկային կազմում էր  և մասնակցեց ողջ խաղին:

Կրիշտիանու Ռոնալդուն հանդիպմանը մասնակցեց 83-րդ րոպեից:

Մադրիդյան թիմը այս տիտղոսը նվաճեց պատմության մեջ 4-րդ անգամ: