Որքան քիչ ենք գազ օգտագործում, այնքան դրա գինը բարձրանում է. Ահարոն Ադիբեկյան

Այսօր լրագրողների հետ հանդիպման ժամանակ սոցիոլոգ Ահարոն Ադիբեկյանը խոսեց գազի գնի սպասվելիք փոփոխությունների մասին։

«Հայաստանը գազի ամենացածր գին ունեցող 32 եվրոպական երկրների շարքում 28-րդ տեղում է։ Ճգնաժամի հետևանքով մեզ մոտ գազի սպառումը կրճատվում է։ 2008 թ-ին մենք սպառել ենք 2 մլրդ խմ գազ, իսկ վերջին տարիներին՝ 1 մլրդ 327 միլիոն խմ։ Մենք որքան քիչ ենք գազ օգտագործում, այնքան դրա գինը բարձրանում է, քանի որ ցանցային ծախսը մնում է նույնը։

Փորձագետները գտնում են, որ Ռուսաստանը 1000 խմ գազը մեզ վաճառում է 90 դրամով, այն Հայաստան է ներկրվում 180 դրամով, իսկ մեզ վաճառում են՝ 360-ով։ Ստացվում է, որ գինն աճում է քառապատիկ։ Մենք դեռևս պատասխան չենք կարողանում ստանալ, թե ինչպես է աճում գազի գինը։

Ընտանիքին տարեկան բաժին է ընկնում 600-700 խմ գազ, ինչը շատ համեստ ցուցանիշ է։ Այսինքն՝ մենք տաք ճաշ քիչ ենք ուտում, քիչ ենք լողանում, որովհեռև գազը մեզ համար դեռևս մնում է թանկ հաճույք։»