Արթուր Ջավադյանը՝ Սևծովյան առևտրի և զարգացման բանկի բիզնես ֆորումում

Այսօր Կենտրոնական բանկի նախագահ Արթուր Ջավադյանը մասնակցել է Սևծովյան առևտրի և զարգացման բանկի բիզնես ֆորումին:
Ողջունելով ֆորումի մասնակիցներին, Արթուր Ջավադյանը խոսել է Կենտրոնական բանկի մոտեցումների՝ Հայաստանի տնտեսական և ներդրումային քաղաքականության ձևավորման գործընթացում ֆինանսական համակարգի մասնակցության դերի, ծառացած մարտահրավերների և քաղաքականության առաջնահերթությունների մասին:

Արթուր Ջավադյանը բարձր է գնահատել միջազգային ասպարեզում բանկի գործընկերների, այդ թվում՝ Սևծովյան առևտրի և զարգացման բանկի աջակցության կարևորությունը: Նա փաստել է, որ համատեղ ծրագրերը գրեթե առանց բացառության հաջողվում են և դառնում տնտեսության զարգացման և շարունակական փոխշահավետ հարաբերությունների հաստատման գրավական: Սևծովյան առևտրի և զարգացման բանկի նպատակային ֆինանսավորման ծրագրերի միջոցները հիմնականում ուղղվում են փոքր և միջին բիզնեսի, ենթակառուցվածքների, ինչպես նաև արտահանման ուղղվածություն ունեցող ձեռնարկությունների զարգացման կարիքներին, ինչը էապես կարևոր է տնտեսության զարգացման տեսանկյունից: