Mastercard standart վճարային քարտի առավելությունները. Գայանե Ստեփանյան

Այսօր լրագրողների հետ հանդիպման ժամանակ Էլեկտրոնային փող թողարկելու՝ ներկայումս միակ թույլտվություն ստացած eDram  ընկերության տնօրեն Գայանե Ստեփանյանը, նրա խորհրդական Գևորգ Պողոսյանը և Պրոմեթեյ բանկի վարչության նախագահ Էմիլ Ստեփանյանը ներկայացրեցին իրենց համատեղ ծրագրը և պատմեցին նոր Mastercard standart վճարային քարտի առավելությունների մասին, որը eDram ընկերության ծառայություններից օգտվող հաճախորդներին անվճար տրամադրում է Պրոմեթեյ բանկը։

Տնօրենի տեղակալ Գևորգ Պողոսյանը պարզաբանեց eDram վճարային համակարգի բնույթը։ Ծառայության շնորհիվ հնարավոր կլինի վիրտուալ հաշիվներում առկա էլեկտրոնային փողերը վերածել իրական փողի: Նոր Mastercard standart-ի միջոցով կարելի է գնումներ կատարել էլեկտրոնային խանութներից ավելի արագ, քանի որ նման գնումների համար պարտադիր չէ բանկում հաշիվ բացել, այդ ամենը տեղի է ունենալու կանխիկ գումար լիցքավորելու միջոցով, հետևաբար՝ ժամանակի առումով սահմանափակում չկա։

Ինչ վերաբերում է նման գնումներ կատարելու՝ Mastercard standart քարտի ինֆորմացիայի անվտանգությանը, դրա համար պատասխանատվություն է կրում eDram ընկերությունը։ Գայանե Ստեփանյանը հավելեց, որ տեխնիկական մակարդակով իրենք ձգտում են լինել առաջատար և շուտով հնարավոր կլինի այդ ամենն իրականացնել բջջային կապի միջոցով։