Airbus-ը 600 միլիոն դոլլար կծախսի ԱՄՆ-ում իր գործարանի վրա
Տնտեսություն
Եվրոպական օդանավաշինական Airbus ընկերությունը ԱՄՆ-ում գործարանի կառուցման վրա կծախսի 600 միլիոն դոլլար։ Այս մասին տեղեկացնում է Reuters-ը՝ հղում տալով անանուն աղբյուրներին։
Իրականացված ներդրումների ծավալները հաստատում են նաև Associated Press-ը և The Wall Street ամսագիրը։ Associated Press-ը տեղեկացնում է, որ նոր գործարանը կունենա մոտ հազար աշխատող: EADS պաշտպանական կոնցեռնը, որի մեջ մտնում է Airbus-ը, նախատեսում է, որ 2017թ. ամերիկյան գործարանն ամեն ամիս կթողարկի 4 օդանավ։
Եվրոպական ավիակոնստրուկտորների՝ ԱՄՆ-ում գործարան կառուցելու մասին հայտնի է դարձել հունիսի 28-ին։ Գործարանը կառուցվելու է Ալաբամա նահանգում։ Airbus-ն այդ գործարանի շնորհիվ ցանկություն ունի այդ երկրում ավելացնել իր օդանավերի վաճառքը։
ԱՄՆ-ը առաջին տեղն է զբաղեցնում բիզնես-օդանավերի վաճառքում։ Airbus-ի պլաններին կարող է խանգարել Ֆրանսիայի նոր նախագահ Ֆրանսուա Օլանդը, ով սպառնացել է տնտեսական պատժամիջոցներ կիրառել այն ընկերությունների դեմ, որոնք երկրի սահմաններից դուրս են բերում իրենց արտադրությունը։
Այնուամենայնիվ, ինչպես ավելի վաղ հայտարարել են ԶԼՄ-ները, Փարիզ, հնարավոր է, տա իր համաձայնությունը, քանի որ մեկ աշխատատեղը ԱՄՆ-ում կարող է երեք աշխատատեղ ստեղծել Եվրոպայում։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
