Փաշինյանն Աշոտյանին առաջարկում է հատ-հատ հրապարակել հոկտեմբերի 2-ի դեպքերը
Բլոգոսֆերա
Հայաստանի Հանրապետության վարչապետ Նիկոլ Փաշինյանը կրկին անդրադարձել է խորհրդարանում Ազգային ժողովի ՀՀԿ խմբակցության պատգամավոր Արմեն Աշոտյանի հրապարակած տեղեկություններին, թե հոկտեմբերի 2-ի երեկոյան հանրահավաքի ընթացքում ավտոմեքենաներ են վնասվել, ապակիներ են ջարդվել, եղել են միջադեպեր: Վարչապետն իր ֆեյսբուքյան էջում կատարել է հետևյալ գրառումը.
«Երեկ ԱԺ-ում Արմեն Աշոտյանի հրապարակած տեղեկությունները, թե հոկտեմբերի 2-ի երեկոյան հանրահավաքի ընթացքում ապակիներ են ջարդվել, մեքենաներ են վնասվել, միջադեպեր են եղել, չեն հաստատվում:
Առաջարկում եմ, որ պարոն Աշոտյանը հատ-հատ հրապարակի դեպքերը, որպեսզի ոստիկանությունը դրանք հետաքննելու հնարավորություն ունենա»:
Ազգային ժողովում կառավարության հետ հարցուպատասխանի ժամանակ ՀՀԿ խմբակցության պատգամավոր Արմեն Աշոտյանը ՀՀ վարչապետին իր հարցն ուղղելուց առաջ խնդրեց ուսումնասիրել Ազգային ժողովի տարածքում կայացած հանրահավաքի ընթացքում ավտոմեքենաների վնասվելու, ապակիներ կոտրելու, ՀՅԴ խմբակցության պատգամավոր Ռուզաննա Առաքելյանի վրա հարձակվելու միջադեպերը:
ՈՒՂԻՂ ԵԹԵՐ
Ամենադիտված 
Իշխանությունը կասկածում է Վանաձորի քաղաքապետի պաշտոնակատար Ակային. «Հրապարակ»
