2010 թ.-ից հետո Իռլանդիան կստանա իր երկրորդ արտաքին ֆինանսավորումը

Այս շաբաթ Իռլանդիան կստանա իր երկրորդ արտաքին ֆինանսավորումը: Առաջին անգամ տնտեսական ճգնաժամից փրկվելու նպատակով ֆինանսավորվել է 2010 թ.-ին, ինչից հետո տնտեսությունը անկումից դուրս գալու լուրջ նշաններ է ցույց տվել:

Իռլանդական իշխանություններն այս շաբաթ արտաքին պարտերի մարումն իրականացնելու նպատակով վաճառելու են 500 մլն. եվրո ընդհանուր արժողությամբ գանձապետական պարտատոմսեր: Իռլանդական տնտեսությունը 2007 թ.-ին տնտեսական ցուցանիշները ճգնաժամի հետևանքով իջել էին 15%-ով, իսկ 2010թ. ստացած արտաքին ֆինանսական օգնության շնորհիվ, ըստ կառավարության ներկայացուցիչ Ջոն Քորիգանի հայտարարության, երկրի տնտեսությունը դեպի իր նախկին դիրքերը աճի միտումներ է գրանցել: Արտաքին ֆինանսավորման մարումը հաստատում է տնտեսության կարգավորման փաստը:

Rabobank International-ի մասնագետ Լին Գրեմ-Թեյլորը նշում է, որ Իռլանդիայի տնտեսության փրկության համար կառավարությունը կարողացել է մշակել անհրաժեշտ բարեփոխումների ծրագիր, քանի որ շուկայական սպասելիքները հաստատում են դրանց արդյունավետությունը:

Իռլանդիան կարող է հույսը դնել արտաքին ֆինանսավորման վրա, որի որոշումը կայացվել է հունիսի 29-ին ԵՄ-ի նիստում: ԵՄ-ի կարգավորող ֆոնդերն իրավունք են ստացել ուղղակիորեն վերակապիտալացնել ԵՄ-ի տարածքում գտնվող խնդիրներ ունեցող բանկերը, ինչը մեծացնում է Եվրոպայի ֆինանսական համակարգի կայունության մակարդակը: Բացի այդ, ԱՄՀ, ԵԿԲ-ն և ԵՄ-ն պլանավորում են վերանայել Իռլանդիային հատկացվող ֆինանսավորման տոկոսադրույքի չափը: