Փոխվարչապետ Տիգրան Ավինյանի հետ հուշագրի հարց չի քննարկվել. ՀՅԴ
Քաղաքական
Երեկ ՀՅԴ ԳՄ ներկայացուցիչ Արսեն Համբարձումյանը և ԱԺ ՀՅԴ-ական պատգամավոր Սպարտակ Սեյրանյանը հանդիպում են ունեցել փոխվարչապետ Տիգրան Ավինյանի հետ:
ԼՈւՐԵՐ.com-ի հետ զրույցում Արսեն Համբարձումյանը նշեց, որ հանդիպման ձևաչափը նախապես է ճշտված եղել. «Հանդիպման օրակարգը բավականին ընդարձակ է եղել, քննարկել ենք բազմաթիվ հարցեր, որոնց թվում նաև անդրադարձ է եղել արտահերթ խորհրդարանական ընտրություններին»,-ասաց Համբարձումյանը։
Անդրադառնալով հարցին՝ արդյո՞ք ՀՅԴ-ն ևս հուշագիր կստորագրի, Համաբարձումյանը պատասխանեց․
«Այդ հարցը չենք քննարկել։ Կարծում եմ՝ քաղաքական ուժերի միջև փոխհասկացողության և փոխըմբռնման մթնոլորտը շատ ավելի կարևոր է, քան ցանկացած ստորագրված փաստաթուղթ»։
Հարցին՝ Տիգրան Ավինյանի հետ հանդիպման ժամանակ քննարկե՞լ են ՀՅԴ-ի հետ հետագա համագործակցության վերաբերյալ հարցեր, Համբարձումյանը ձեռնպահ մնաց մեկնաբանություններ տալ՝ նշելով, որ կմեկնաբանեն, երբ դրա անհրաժեշտությունը տեսնեն։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
