Տղաները Ջիբրալթարի դեմ նվիրված խաղ են ցուցադրելու. Գյուլբուդաղյանց
Սպորտ
Հայաստանի ֆուտբոլի ազգային թիմի գլխավոր մարզիչ Արմեն Գյուլբուդաղյանցը կարծում է ընտրանու ֆուտբոլիստները Ջիբրալթարի դեմ նվիրված ֆուտբոլ ենք խաղալու:
«Տղաների մոտ մեծ նվիրվածություն եմ տեսնում առաջիկա խաղից առաջ: Վստահ եմ, որ վաղն ամեն ինչ անելու ենք, որ մենք հասնենք լավագույն արդյունքի: Նրանք շատ համառ ֆուտբոլ են խաղում և բարձր խաղակցվածությամբ են օշտված: Իսկ ինչ կապված է Յուրա Մովսիսյանին, ապա վերջինս բարձրակարգ ֆուտբոլիստ է: Նրա համար կրկին ընտեգրվելու խնդիր չկա: Նա շատ մեծ ցանկությամբ է եկել հավաքական, վստահ եմ, որ Մովսիսյանի խաղում կտեսնեք թիմի ուժեղացումը»,- լրագրողների հետ զրույցում ասաց մասնագետը:
Մարզիչը փաստեց նաև, որ կար մի ֆուտբոլիստ, ում անունը չի տալիս, ով կարող էր միանալ թիմին, բայց դեռևս հստակություն չկա նրա հարցում, իսկ հավաքականի թևկապը մնալու է Հենրիխ Մխիթարյանի մոտ:
Գյուլբուդաղյանցի խոսքով՝ Մարկոս Պիզելին թեթև վնասվածք ունի, սակայն հնարավոր է պատրաստ լինի առաջիկա խաղին: Իսկ ինչ կապված է իր պայմանագրին ՀՖՖ-ի հետ, ապա այն նախատեսված է մինչև 2020 թվականը:
Ֆուտբոլի Ազգերի լիգայի երրորդ տուրի շրջանակներում Հայաստանի ֆուտբոլի ազգային թիմը հոկտեմբերի 13-ին Վազգեն Սարգսյանի անվան Հանրապետական մարզադաշտում կհյուրընկալի Ջիբրալթարի ընտրանուն: Հանդիպումը կմեկնարկի 20:00-ին:
ՈՒՂԻՂ ԵԹԵՐ
Ամենադիտված 
«Ակնկալում ենք հրապարակային պարզաբանում և ներողություն». Բելգիայի հայ համայնքը վիրավորվել ու հիասթափվել է Վաչե Թովմասյանից
