ՀՀԿ գործարար թևի «փոքրիկ վատությունը»
Վերլուծական
ՀՀ վիճակագրական կոմիտեի տվյալներով՝ 2018 թվականի սեպտեմբերին Հայաստանում 12-ամսյա գնաճը (այս տարվա սեպտեմբերը՝ նախորդ տարվա սեպտեմբերի համեմատ) կազմել է 3.5%։ Փաստորեն, որոշակի դանդաղումից հետո հուլիսից սկիզբ առած միտումը շարունակվում է՝ գնաճն արագանում է։
Գնաճին ամենաշատը նպաստել է սննդամթերքի եւ ոչ ալկոհոլային խմիչքների ապրանքախումբը, որն ամենամեծ կշիռն ունի սպառողական գների ինդեքսի հաշվարկի մեջ։ Հացաբուլկեղենի եւ ձավարեղենի գնաճը հունվար-սեպտեմբերին կազմել է 0.3%, սեպտեմբերին՝ օգոստոսի նկատմամբ՝ 0.6%, բրինձը հունվար-սեպտեմբերին՝ 0.3%, հացը՝ 1.8%, միսը՝ 6.3%, տավարի եւ հորթի միսը՝ 10.3%, խոզի թարմ եւ սառեցված միսը՝ 1.5%, գառան, ոչխարի եւ այծի միսը՝ 10.1%, թռչնամիսը՝ 0.7%, շաքարի գինը բարձրացել է՝ 16.2% Բավական կտրուկ գնանկումից հետո որոշակիորեն բարձրացել են նաև բանանի գները:
Անգամ պարզ հայացքը թանկացած ապրանքներին` հուշում է, թե «որտեղ է թաղված շան գլուխը»: ՀՀԿ գործարար թևի ամենավառ ներկայացուցիչները՝ Միհրան Պողոսյանը և Սամվել Ալեքսանյանը, ըստ էության, որոշել են «վերջին վատությունը» անել Նիկոլ Փաշինյանի կառավարությանը՝ ԱԺ-ից ընդմիշտ հեռանալուց առաջ: Հասկանալի է, որ այս թանկացումները զուտ վիճակագրության տեսանկյունից չեն կարող սարսափելի համարվել, սակայն շարքային քաղաքացու համար, որի ոչ աշխատավարձն է բարձրացվել, ոչ էլ կենսաթոշակը՝ անգամ 10 դրամի թանկացումը լրացուցիչ սոցիալական բեռ է: ՀՀԿ գործարար թևի նման «չարաճճիությունները» նաև վկայում են այն մասին, որ եթե ոչ մենաշնորհը, ապա առնվազն գերակշռող դիրքը այս ոլորտներում դեռևս չի վերացել…
Ս.Խաչատրյան
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
