ՏԻՄ ընտրությունները՝ ահազանգ Փաշինյանի համար
Վերլուծական
Հայաստանի 4 քաղաքներում երեկ քաղաքապետ են ընտրել: «Քաղաքացիական պայմանագիր» կուսակցությունը պարտվել է Կապան քաղաքում: Այստեղ ՔՊ-ի կողմից առաջադրված թեկնածու Նարեկ Բաբայանին հաղթել է անկուսակցական Գևորգ Փարսյանը՝ մոտ երկու հազար ձայնի առավելությամբ։ Սա ինչ խոսք լուրջ ահազանգ է վարչապետ Նիկոլ Փաշինյանի համար, այն էլ՝ արտահերթ խորհրդարանական ընտրություններին ընդառաջ:
Փաշինյանը Սյունիքում տեղի բնակչության հետ հանդիպման ժամանակ նշել էր Հայաստանի համար՝ Սյունիքի ստրատեգիական նշանակությունը: Այս տեսանկյունից Կապանում կրած պարտությունը ստրատեգիական է հենց Փաշինյանի համար: Ակնհայտ է, որ հեղափոխական էյֆորիան բռնել է նահանջի ճանապարհը և դրա համար առկա են բոլոր սուբյեկտիվ և օբյեկտիվ պապտճառները: Միայն գործազրկության աճող թիվը մարզերում գալիս է ապացուցելու, որ ամեն ինչ չէ հարթ ընթանում և Երևանից դուրս Փաշինյանը կարող է լուրջ խնդիրների բախվել:
ՏԻՄ ընտրությունները բացահայտեցին նաև Նոր Հայաստանի քաղաքական վակուումը, բանն այն է, որ թեկնածուների գերակշիռ մասը ներկայացնում էին իշխող Քաղաքացիական պայմանագիր կուսակցությունը: Որքանով է դա համահունչ ժողովրդավարական սկզբունքներին՝ դատեք իքներդ: Մյուս կողմից ՔՊ-ականների նման ակտիվությունը ունի իր օբյեկտիվ պատճառները: Նախկին համակարգի ապամոնտաժման քաղաքականությունը և Փաշինյանի կառավարությանը գաղափարական, նոր ընդդիմության բացակայությունը այլ սցենար չի ենթադրում: Սա էլ իր հերթին հղի է լուրջ վտանգով, այն է միակուսակցական խոհրդարանի և կառավարության ձևավորմամբ և քաղաքական դաշտի մոնոպոլիզացիայով: Երեկվա ՏԻՄ ընտրությունները այս տեսանկյունից ահազանգ էին ոչ միայն Նիկոլ Փաշինյանի, այլև ողջ հասարակության համար…
Ս.Խաչատրյան
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
