Ի՞նչ անեմ. որոշում է կայացրել, ես էլ ենթարկվում եմ. Նուբարաշենի նախկին ղեկավար

Երևանի նորընտիր քաղաքապետ Հայկ Մարությանն այսօր երեք վարչական շրրջանների ղեկավարներ է նշանակել (Նուբարաշեն՝ Թելման Թադևոսյան,  Էրեբունի՝ Արման Աբրահամյան, Կենտրոն՝ Վիկտոր Մնացականյան):

Նուբարաշեն վարչական շրջանի ղեկավարի պաշտոնում Թելման Թադևոսյանը փոխարինում է 2013թ Նուբարաշենը ղեկավարած, ՀՀԿ-ական Արթուր Կիրակոսյանին: 

Կիրակոսյանը օրերս մեզ հետ զրույցում նշել էր, որ եթե Մարությանը ցանկանա՝ ինքը սիրով կշարունակի ղեկավարել վարչական շրջանը: 

Կիրակոսյանն իր լիազորությունները դադարեցվելուց հետո ԼՈՒՐԵՐ.com-ի հետ զրույցում նշեց, որ Հայկ Մարությանը որոշում է կայացրել, ինքն էլ ենթարկվում է: 

«Ինչ անեմ, նա որոշում է կայացրել, ես էլ ենթարկվում եմ: Ոչ մի խոսակցություն կամ պայմանավորվածություն  չի եղել մեր միջև, փորձ էլ չեմ արել: Հրամանս այսօր է եկել, ես էլ ազատել եմ պաշտոնս»,-մեզ հետ զրույցում ասաց Նուբարաշեն վարճական շրջանը 2013 թվականից ղեկավարած Արթուր Կիրակոսյանը: 

Այն ճշտող հարցին, թե առաջիկայում հնարավո՞ր է մեկ այլ պաշտոնի անցնի, Կիրակոսյանը պատասխանեց. «Եթե առաջարկ լինի՝ չեմ բացառում, բայց դե, չի եղել նման բան»:

Արմինե Միքայելյան