«Արսենալ»-ի հաջողությունը` վերջին 11 տարում

Լոնդոնի «Արսենալ»-ը Եվրոպայի լիգայի խմբային փուլի երրորդ տուրում արտագնա խաղում նվազագույն հաշվով հաղթել է Լիսաբոնի «Սպորտինգ»-ին:

Լոնդոնցիների համար սա Եվրոպայի լիգայում երրորդ անընդմեջ հաղթանակն է, և 11-րդը՝ բոլոր մրցաշարերում:

Ավելի վաղ Էմերի թիմը 7 անընդմեջ հաղթանակ էր տոնել ԱՊԼ-ում, մեկ հաղթանակ էլ Անգլիայի լիգայի գավաթի խաղարկությունում:

Արդյունքում անգլիական ակումբը վերջին 11 տարում առաջին անգամ է 11 խաղ անընդմեջ հաղթանակ տոնում (բոլոր մրցաշարերում):

2007թ-ին «Արսենալ»-ը անընդմեջ հաղթանակած խաղերի քանակը հասցրել էր 12-ի:

Ակումբի հաջորդ խաղը հոկտեմբերի 28-ին ` ԱՊԼ-ի շրջանակներում: