Փաշինյանը չի բացառում, որ կրկին կառաջադրվի վարչապետի թեկնածու
Քաղաքական
Հայաստանի Հանրապետության վարչապետի պաշտոնակատար Նիկոլ Փաշինյանը չի բացառում, որ խորհրդարանում վարչապետի ընտրության երկրորդ փուլում ևս կառաջադրի իր թեկնածությունը: Նիկոլ Փաշինյանն այս մասին ասաց խորհրդարանում լրագրողների հետ զրույցում:
«Նոյեմբերի 1-ին կունենանք ազատ արձակված խորհրդարան, բայց թե ինչ սցենարով կտեսնեք: Տնտեսական ներկա իրավիճակին և զարգացման ռազմավարությանն անդրադառնալու նկատառումով, ինչպես նաև քաղաքական այլ նկատառումներով չեմ բացառում, որ կառաջադրվեմ որպես վարչապետի թեկնածու»,- ասաց Փաշինյանը՝ հավելելով, որ նախորդ քննարկման ժամանակ չի հասցրել ասել այն ամենը, ինչ որ կցանկանար՝ մասնավորապես տնտեսության մասին:
Խորհրդարանն արձակելու ճանապարհին հոկտեմբերի 24-ին Ազգային ժողովը Նիկոլ Փաշինյանին չընտրեց վարչապետի պաշտոնում: Քանի որ առաջին փուլով տեղի ունեցած քվեարկության արդյունքում վարչապետ չընտրվեց, խորհրդարանում ՀՀ վարչապետի ևս մեկ ընտրություն կկայանա առաջին փուլի ընտրության քվեարկությունից 7 օր հետո, որին մասնակցելու իրավունք կունենան պատգամավորների ընդհանուր թվի առնվազն մեկ երրորդի առաջադրած վարչապետի թեկնածուները: Եթե պատգամավորների ընդհանուր թվի ձայների մեծամասնությամբ վարչապետ չընտրվի, ապա Ազգային ժողովն արձակվելու է իրավունքի ուժով: Նիկոլ Փաշինյանը
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
