Ինչո՞վ է պետական համակարգում ծանոթով գործի տեղավորված ու չաշխատող մարդը տարբերվում սովորական նպաստառուից

Ընկերներս, խնդրում եմ ինձ բացատրել թե ինչո՞վ է պետական համակարգում ծանոթով գործի տեղավորված ու չաշխատող մարդը տարբերվում սովորական նպաստառուից։

Բացատրեմ հարցս, պետական համակարգում աշխատող մարդկանց եթե փորձենք ինչ-որ տրամաբանությամբ դասակարգել, ապա մոտ 40 % -ը առաջադեմ, շատ խելացի ու բարձր որակավորում ունեցող աշխատակիցներն են, որոնց վրա է այս պահին կենտրոնացած պետական ապարատի կենսունակության ամբողջ բեռը։

Այդ մասնագետի հետ, կողք-կողքի, նույն աշխատասենյակում նստած է երկրորդ խումբը՝ մարդիկ (20 -25 %), ովքեր այդ համակարգում են ծանոթի միջնորդությամբ կամ երջանիկ պատահականությամբ, նրանց համար աշխատանքային վայրը սովորաբար սուրճ խմելու, տանից դուրս գալու, յութուբ նայելու և բամբասելու վայր է ընդամենը: Չի աշխատում, ու աշխատանք չկա էլ անելու, քանի որ այդ աշխատատեղը բացվել է "հենց նենց"՝ մոտիկներին գործի ընդունելու համար։