Դիտավորյալ կրակել են անասնագոմի ուղղությամբ և սատկացրել նշավանցու 5 անասուններին
Հասարակություն
Արարատի մարզի Նշավան համայնքի բնակիչ Նորիկ Ամիրյանին պատկանող անասնագոմի ուղղությամբ օրերս կրակոցներ են արձակվել, որի հետևանքով խոշոր եղջերավոր 5 անասուն սատկել է, իսկ մեկը՝ վիրավորվել:
Համայնքապետ Մյասնիկ Հովհաննիսյանը ԼՈՒՐԵՐ.com-ի հետ զրույցում մանրամասնեց, որ իր ղեկավարած գյուղի բնակիչ Նորիկ Ամիրյանը շատ բարի ու հավասարակշռված մարդ է, և որ երբեք թշնամիներ չի ունեցել:
«Մտքներովս անգամ չի անցնում, թե ով կարող է այդ ամենի ետևում կանգնած լինել: Ոստիկանությունը զբաղվում է այդ հարցով և խոստացել է ամենայն մանրամասնությամբ պարզել հանգամանքները: Շատ պարտաճանաչ բնակիչ է, համեստ, հանգիստ, հողի հարկերն էլ ժամանակին վճարում է, ոչ մեկին նեղացրած չկա այսքան ժամանակ»,- ընդգծեց համայնքապետը:
ՀՀ Ոստիկանության լրատվության ծառայության աշխատակից Զարզանդ Գաբրիելյանն էլ մեզ հետ զրույցում նշեց, որ դեպքի մանրամասները ճշտելու համար կատարվում է նախաքննություն, որևէ այլ տեղեկություն գործի վերաբերյալ դեռևս չկա:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
