Հայաստանն ու Բելառուսը պետք է ամրապնդեն գիտական համագործակցությունը. Արմեն Սարգսյան
Գիտություն և Մշակույթ
Հայաստանը և Բելառուսը պետք է ակտիվացնեն գիտական համագործակցությունը թվային և լազերային տեխնոլոգիաների, կիբեռանվտանգության, միջուկային էներգիայի օգտագործման և դեղագործության ոլորտներում: Այս մասին հայտարարել է Հայաստանի նախագահ Արմեն Սարգսյանը՝ Բելառուսի գիտությունների ազգային ակադեմիայի նախագահ Վլադիմիր Գուսակովի հետ Մինսկում կայացած հանդիպման ժամանակ:
Արմեն Սարգսյանի կարծիքով` հեռանկարային ուղղությունների թվում են նաև կենսատեխնոլոգիայի, գենետիկայի, էլեկտրոնիկայի, սննդի արտադրության ոլորտներում հետազոտությունները: «Այս ուղղություններով մենք կարող ենք միասին ուղիղ աշխատել»,- ընդգծել է նախագահը:
Արմեն Սարգսյանը տպավորվել է Բելառուսի գիտությունների ազգային ակադեմիայի գիտական գործունեության արդյունքներով, հատկապես, տիեզերական հետազոտության, օբյեկտների, արտադրանքի և ծառայությունների ավտոմատ նույնականացման, էլեկտրոնիկայի ոլորտներում: Արմեն Սարգսյանն ընդգծել է, որ առաջին անգամ Բելառուսի ԳԱԱ այցելել է երիտասարդ տարիքում` 1976 թվականին, երբ մասնակցել է ֆիզիկայի գծով միջազգային կոնֆերանսի աշխատանքներին: «Մեր երկրների գիտությունների ակադեմիայի միջև բարեկամությունը ունի հսկայական արժեք»,- ասել է նա:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
