Կարեն Կարապետյանի օպտիմալացման ճանապարհով․․․

Ինչպես արդեն տեղեկացրել ենք  վարչապետի աշխատակազմից ծառայողական մի քանի ավտոմեքենաների կամրացվեն Հանրապետության նախագահի աշխատակազմին, Պետական վերահսկողական ծառայությանը և Սպորտի և երիտասարդության հարցերի նախարարությանը։ Ծառայողական մեքենաների կրճատման անհրաժեշտություն առաջացել է դեռ նախորդ իշխանության օրոք։ Այն ժամանակ դրանց քանակը փորձել են նվազեցնել նախկին վարչապետեր Հովիկ Աբրահամյանը, ապա Կարեն Կարապետյանը։ Այդ հարցին անդրադարձել  է  նաև Նիկոլ Փաշինյանը։

Իշխանափոխությունից հետո կառավարությունը հայտարարել էր, որ պետական ապարատում կա ծառայողական մեքենաների գերկուտակում, որն էլ բյուջետային ծախսերի եղած միջոցների վատնում է: Սակայն, ինչպես նշեցինք, սա ոչ թե նոր կառավարության, այլ դեռևս Կարեն Կարապետյանի ժամանակների օրակարգային խնդիրներից էր։ Նախկին վարչապետը բազմիցս խոսել է կառավարությունում օպտիմալացման, մասնավորապես, ծառայողական մեքենաների կրճատելու մասին։

Այսօր, ստացվում է, Նիկոլ Փաշինյանը ևս գնում է այդ ճանապարհով, սակայն մասամբ, քանի որ ոչ թե կրճատում, այլ՝ տեղափոխում է։ Հետևաբար՝ պետական ապարատից չի նվազում ծառայողական ավտոմեքենաների թիվը։

Նշենք, որ ըստ որոշման նախգծի՝ առաջարկվում է վարչապետի աշխատակազմից հետ վերցնել և Նախագահի աշխատակազմին ամրացնել 2 ավտոմեքենա, Պետական վերահսկողական ծառայությանը 2 ավտոմեքենա և Սպորտի և երիտասարդության հարցերի նախարարությանը 3 ավտոմեքենա:

Հիշեցնենք, որ պետական համակարգում ծառայողական մեքենաների թիվը գերազանցում է հազարը։

Արմինե Արմենակյան