«Արցախ»-ը շարունակում է անկանոն ելույթները բասկետբոլի առաջնությունում

Բասկետբոլի Հայաստանի կանոնավոր առաջնության 5-րդ տուրը մեկնարկեց «Արթիկ»-«Արցախ» խաղով:

Ա լիգայի 2018/19 թթ. մրցաշրջանի 5-րդ տուրի առաջին խաղում «Արթիկը» սեփական հարկի տակ տարավ իր երրորդ հաղթանակը՝ այս անգամ լարված և հավասար խաղում 97-91 հաշվով առավելության հասնելով «Արցախի» նկատմամբ:

Հանդիպման ամենաարդյունավետ խաղացող ճանաչվեց Հայաստանի ազգային հավաքականի անդամ Ալբերտ Թադևոսյանը (Արցախ), ով վաստակեց 47 միավոր: