Խաչատուրովը հեռացավ. նոր խնդիր՝ Փաշինյանի առջև
Վերլուծական
Յուրի Խաչատուրովը ազատվեց ՀԱՊԿ գլխավոր քարտուղարի պաշտոնից: Մի կողմ դնենք այն հարցը, թե ինչ է սպասվում Խաչատուրովին՝ Հայաստան վերադառնալուց հետո: Իրական խնդիրների առաջ այս պարագայում կանգնելու է Նիկոլ Փաշինյանը: Նրա առջև այս պահին գերխնդիր է դրված՝ հասնելու Հայաստանի կողմից ՀԱՊԿ-ում նախագահության պահպանմանը: Սա նշանակում է, որ նա առաջին հերթին պետք է համոզի Ռուսաստանին, իսկ Ռուսաստանը Փաշինյանին չվստահելու օբյեկտիվ պատճառներ ունի, հետևաբար համոզելը՝ բարդ է լինելու:
Նախկինում Հայաստանի դիրքորոշումը շատ ավելի կարծր էր․ վարչապետ Նիկոլ Փաշինյանը մի քանի անգամ վստահաբար պնդել է, որ ՀԱՊԿ գլխավոր քարտուղարի պաշտոնը մինչև 2020թ-ի հունվարի 1-ը պատկանում է Հայաստանին ու անհրաժեշտ է համարել, որ Խաչատուրովը փոխարինվի Հայաստանի մեկ այլ ներկայացուցչով։ ՀՀ ԱԳ փոխնախարար Շավարշ Քոչարյանը, սակայն, շատ ավելի զգուշավոր դիրքորոշում է հայտնում՝ չբացառելով նաև այն տարբերակը, որ ՀԱՊԿ գլխավոր քարտուղարի պաշտոնը ռոտացիոն կարգով փոխանցվի այլ երկրի։ Ընդ որում, այլ երկիրը՝ Բելառուսն է, որը ակնհայտորեն սպասում է Փաշինյանի ձախողմանը իր «հերթը առաջ գցելու» համար:
Արտաքին խնդիրը միակը չէ, որին կարող է բախվել Նիկոլ Փաշինյանը: Հասկանալի է, որ եթե Հայաստանին ինչ-ինչ պատճառներով չհաջողվի պահպանել նախագահությունը ՀԱՊԿ-ում այդ փաստը ընտրություններին ընդառաջ լուրջ խաղաքարտ է դառնալու Փաշինյանի քաղաքական օպոնենտների ձեռքում: Վերջիններս առիթը չեն կորցնի իրենց վարած արտաքին քաղաքականության հաջողությունները հակադրել և համեմատականներ անցկացնել Նիկոլ Փաշինյանի ֆիասկոյի հետ…
Ս.Խաչատրյան
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
