Գերմանիայում Հայաստանի դեսպանը կասկածվում է մաֆիայի հետ համագործացության մեջ

Գերմիանիայում քննչական մարմինները գաղտնի գործողության շրջանակում փորձել են ձերբակալել հայկական մաֆիայի ներկայացուցիչներին, բայց անարդյունք։ Այս մասին գրում է գերմանական Tagesschau.de կայքը։

Գերմանական «Spiegel» հետաքննական լրագրողական թիմի խմբագրին հասանելի է դարձել հետախուզման գործողության անվանումը՝ «Պայքար օրենքով գողերի դեմ» (Fight Against Thieves In Law (FATIL), Kampf gegen Diebe im Gesetz (գերմ․))։

Լրատվամիջոցը հայտնում է, որ մաֆիան ղեկավարում են բարձրաստիճան պաշտոնյաներ։ Պետական մարմինները Գերմանիայում վարահսկում են ամբողջ հայկական մաֆիայի կլանները: 

Գերմանիայում Հայաստանի դեսպան Աշոտ Սմբատյանը Գերմանիայի իրավապահներին առաջարկել է իր օգնությունը հայկական մաֆիայի դեպ պայքարում, սակայն Քրեական ոստիկանությունը խորհուրդ է տվել չհամաձայնվել, քանի որ չեն բացառել, որ օրենքով գողերը կարող են կապեր ունենալ Հայաստանի պետական կառույցների հետ:

Լրատվամիջոցը փոխանցում է, որFATIL գործողությունը Գերմանիայում կազմակերպված հանցավորության դեմ պայքարի ամենախոշոր գործերից մեկն է: Ըստ Spiegel»-ի տեղեկությունների, Գերմանիայում Հայաստանի դեսպան Աշոտ Սմբատյանը դեռ 2008 թվականից կասկածվում է մաֆիայի հետ համագործակցելու և «օրենքով գող» լինելու մեջ։

Նշվում է, որ Սմբատյանը ներգրավված է եղել փողերի լվացման գործերում, մաքսանենգության մեջ: Նրա դեմ քրեական գործ է հարուցվել, սակայն այն արդեն կարճվել է:

Սմբատյանը և իր փաստաբանը չեն ընդունում մեղադրանքները և վերջինս «օրենքով գող» լինելու մեղադրանքը որակել է որպես «անհեթեթություն»: 

Սմբատյանի մասին այս տեղեկությունները 2008 թվակնից մինչ օրս չի հաջողվում հաստատել ապացույցների բացակայության պատճառով, բայց արդեն բոլոր պետություններին հորդորել են, որ Հայաստնի դեսպանի առաջարկած հագործակցության առաջարկները չընդունեն։