Ռուսները կարողանում են շոու անել․ IQOS 3-ի բացառիկ շնորհանդեսը Մոսկվայում (լուսանկարներ)

Ինչպես տեղեկացնում է elle.ru-ն, նոյեմբերի 1-ին Ֆիլիպ Մորրիս Ինթերնեյշնլ ընկերությունը Գարի Թաթինցյանի պատկերասրահում ավելի քան 700 հյուրերին ներկայացրեց IQOS երրորդ սերնդի սարքերը: Դմիտրի Նագիեւը եւ ապրանքանիշի ամբասադոր Ալյոնա Դոլեցկայան ներկայացրին միաժամանակ երկու նոր պրոդուկտ` IQOS 3-ը եւ IQOS 3 MULTI-ն:  

Ռուս բլոգերը պատմել է նոր սարքերի առանձնահատկությունների մասին։

Եթե iQOS-ի առաջին եւ երկրորդ տարբերակների միջեւ տարբերությունները աննշան էին, ապա iQOS 3-ն անգամ արտաքնապես տարբերվում է ներկայում վաճառվող սարքից: Դատեք ինքներդ. 

iQOS 3-ի բռնիչն այժմ ոչ թե տեղադրվում է լիցքավորման սարքի մեջ, այլ ամրանում է կողքից՝ մագնիսի օգնությամբ: Արտաքնապես հիանալի տեսք ունի, սակայն ռիսկ կա, որ գրպանում կամ պայուսակի մեջ բռնիչը, կպչելով այլ առարկաների, կարող է դուրս գալ սարքից:  

Արտադրողը խոստանում է, որ iQOS 3-ը լիցքավորվելու է 15%-ով ավելի արագ, իսկ մարտկոցի ռեսուրսը ավելացվել է մինչև 14 000 լիցքավորում։

Մեկ այլ մեծ առավելություն․ ընդլայնվել է նաև սարքի ջերմաստիճանային տատանման տիրույթը և, արտադրողի պնդմամբ, iQOS 3-ը առանց որևէ խնդիրների կաշխատի նույնիսկ -50 աստիճան ցրտի դեպքում: 

Մեզ բոլորիս ծամոթ բռնիչից և լիցքավորման սարքից բաղկացած IQOS 3-ն այժմ ավելի հարմարավետ և հուսալի է՝ շնորհիվ ProtectPlus համակարգի: Նորացված դիզայնն այժմ ավելի պարզ ու հասկանալի է, իսկ սոֆթ-թաչ անփայլ ծածկի շնորհիվ սարքը շատ հարմար է բռնել ձեռքում:

IQOS 3 MULTI

Բոլորովին նոր IQOS 3 MULTI-ն ստեղծված է նրանց համար, ովքեր չեն սիրում սպասել. սեանսների միջև ընկած սպասելաժամանակը հասցվել է զրոյի:  

Եթե iQOS 3-ը սարքի էվոլյուցիան է, ապա Multi տարբերակը բոլորովին այլ մոտեցում է ընկերության կողմից: Փաստացի, iQOS 3 Multi-ն ավելի մեծ չափի բռնիչ է, որի մեկ լիցքավորումը բավարարում է 10 սեանսի համար: Մեկ այլ առավելություն է գլանակների հաջորդաբար օգտագործելու հնարավորությունը:

Հարկ է նշել, որ Multi տարբերակը ծխողի համար չի կարող հանդիսանալ ինքնուրույն սարք, քանի որ 10 սեանսը չափազանց քիչ է ամբողջ օրվա համար: Իսկ եթե հաշվի առնենք, որ ծխողների զգալի մասը օրվա ընթացքում ավելի շատ գլանակ է օգտագործում, քան ծխում էր սիգարետ, ապա Multi-ի մարտկոցը օրվա կեսին կնստի: Իսկ եթե հաշվի առնենք, որ Multi-ն ավելի հարմար է միայն նրանց համար, ով օգտագործում է գլանակը գլանակի հետևից, ապա այն ավելի շուտ կնստի։

Կարծում եմ՝ վիճելի սարք է:

Ինչպես տեղեկացնում է մեկ այլ աղբյուր՝ superg.ru-ն, տեխնիկական հնարավորությունների հետ մեկտեղ՝ ընդլայնվել է սարքի գունային ընտրությունը: Այժմ IQOS-ը կարելի է ձեռք բերել սպիտակ, ոսկեգույն, կապույտ և մոխրագույն տարբերակներով: Ավելին, սարքն ունի փոփոխվող կափարիչներ ու գլխիկներ, որոնք նույնպես ներկայացված են լրացուցիչ գույներով, ինչի շնորհիվ հնարավոր է դառնում համապատասխանեցնել գունային համադրությունները (ավելի քան 500 տարբերակ):

Այժմ սարքի վրա կա միայն մեկ կոճակ, որը կառավարում է IQOS-ի ֆունկցիաները տարբեր քանակության և տևողության սեղմումների միջոցով: Ամենահետաքրքիրն այն է, որ լիցքավորման սարքը ու բռնիչը մագնիսային են, այսինքն՝ լիցքավորման ժամանակ ոչ մի կերպ ինքնուրույն չեն կարող անջատվել: Միաժամանակ, բարելավվել են նաև սարքի վիբրացիան և լուսային դիոդները. առաջինը դարձել է ավելի զգայուն, իսկ երկրորդը՝ ավելի վառ: